Oddný Anna Björnsdóttir, viðskiptafræðingur

 

Oddný er fædd og uppalin í Reykjavík. Hún er mikill náttúruunnandi sem lærði að meta náttúru Íslands í ferðalögum fjölskyldunnar í æsku og þegar hún stundaði staðarnám á Bifröst árin 1995-1998, þaðan sem hún útskrifaðist með BSc gráðu í viðskiptafræði.

Hún kom víða við á námsárum sínum, en frá 1998-2008 starfaði hún hjá stuðnings- og stoðtækjafyrirtækinu Össuri hf.

Fyrri fimm árin starfaði hún í höfuðstöðvum félagsins á Íslandi, fyrst sem vörustjóri (Global Product Manager) og síðar sem deildarstjóri vörustjórnunar- og tæknisviðs (Director of Global Product & Technical Management).

Frá 2003-2008 starfaði hún hjá dótturfélaginu Össur Americas í Orange County í Kaliforníu, fyrst sem framkvæmdastjóri markaðs- og almannatengsla (Vice President of Marketing and Public Relations) og síðar sem framkvæmdastjóri viðskiptaþróunar (Vice President of Business Development / M&A) fyrir Norður Ameríku.

Árið 2008 ákvað hún að skipta um starfsvettvang og hóf meistarnám í alþjóðaviðskiptum frá Bifröst, í fjarnámi frá Kaliforníu. Samhliða því sjálfmenntaði hún sig í lífrænum og sjálfbærum ræktunaraðferðum, heilbrigðu mataræði og lífsstíl, neytenda-, dýra- og umhverfisvernd.

Frá 2010-2016 starfaði hún sem ráðgjafi, stjórnarformaður og framkvæmdastjóri fyrirtækja í lífræna og heilsugeiranum í eigu Auðar Capital, síðar Virðingar, nú Kviku; lengst af, eða frá desember 2011 sem framkvæmdastjóri heildsölunnar Yggdrasill sem sérhæfði sig í innflutningi, markaðssetningu og dreifingu á lífrænum vörum og heilsuvörum, þ.m.t. Himneskri Hollustu (nú MUNA) og NOW fæðubótarefnunum.

Samhliða því var hún ötull talsmaður lífræns og heilbrigðs lífsstíls, neytenda-, dýra- og umhverfisverndar. Hún var hvatamaður að stofnun Samtaka lífrænna neytenda og sat í starfshópum Neytendasamtakanna á sviði matvæla og landbúnaðar frá 2011-2017.

Hún hefur setið í stjórn Vottunarstofunnar Tún (2014-2020), Landbúnaðarklasans (2018-2020), Hampfélagsins (2019-2023) og Icelandic Lamb frá 2021. Vorið 2022 var hún kjörin heimastjórnarfulltrúi á Djúpavogi eftir sameiningu fjögurra sveitarfélaga undir nafninu Múlaþing.

Frá 2014 hefur hún sinnt sölu-, markaðs- og fjármálum fyrirtækis þeirra hjóna, Geislar Gautavík (áður Geislar hönnunarhús), en hönnunarvörur fyrirtækisins fást í um 50 gjafavöru- og ferðamannaverslunum um land allt og seljast í tugþúsundum eintaka á ári.

Frá því að Yggdrasill var selt á vordögum 2016 hefur hún starfað sem sjálfstæður ráðgjafi.

Sem slíkur hefur hún sinnt ráðgjöf og unnið fjölda verkefna fyrir fyrirtæki, stofnanir og samtök eins og Krónuna (2016-2017) sem ráðgjafi og verkefnastjóri í umhverfis-, samfélags- og lýðheilsumálum, Íslandsstofu (2017-2018) sem verkefnisstjóri greiningar á vottunum og upprunamerkingum matvæla, Matarauð Íslands (2018-2019) sem verkefnisstjóri greiningar á starfsemi Beint frá býli og íþyngjandi regluverki, koma á fót REKO hringjum hér á landi og greina þörf á og undirbúa stofnun regnhlífasamtaka smáframleiðenda matvæla, Icelandic LambBændasamtökinAtvinnuvega- og nýsköpunarráðuneytið (2019-2020) sem formaður samráðshóps um betri merkingar matvæla, skipuð af sjávarútvegs- og landbúnaðarráðherra. Í daglegu starfi sínu sem framkvæmdastjóri SSFM / BFB veitir hún svo matarfrumkvöðlum ráðgjöf og stuðning.

Frá 2020 hefur hún haldið námskeið sitt Matarfrumkvöðullinn í Hallormsstaðaskóla og Landbúnaðarháskóla Íslands. Hún hefur jafnframt skrifað fjölda greina og haldið erindi víða um land.

Frá desember 2019 hefur hún sinnt starfi framkvæmdastjóra Samtaka smáframleiðenda matvæla (SSFM) og frá apríl 2022 framkvæmdastjóra Beint frá býli eftir að það varð aðildarfélag SSFM í apríl það ár.

Vorið 2018 keyptu þau hjónin lögbýlið Gautavík í Berufirði.  Á býlinu stunda þau blandaðan smábúskap; halda sauðfé, hesta, endur, hænur og silunga í tengslum við samrækt (aquaponics), hunda og ketti, stunda matjurtaræktun og tilraunaræktun á iðnaðarhampi og úrvinnslu vara úr honum. Í það tilraunaverkefni hafa þau fengið tvo styrki; frá Atvinnuvega- og nýsköpunarráðuneytinu (2020) og Uppbyggingasjóði Austurlands (2021). Sumarið 2021 opnuðu þau býlið formlega fyrir almenningi og buðu upp á leiðsögn og fræðslu, fyrst og fremst tengda iðnaðarhampinum, ásamt fjölbreyttri afþreyingu.

Frá 2019 hafa þau hjónin unnið ötullega að vitundarvakningaverkefni sínu um notagildi iðnaðarhamps og möguleikum hans til að stórauka sjálfbærni á fjölmörgum sviðum sem varð til þess að regluverkinu var breytt, fyrst með reglugerðarbreytingu vorið 2020 og svo með breytingu á lögum vorið 2021. Vorið 2022 hlutu þau viðurkenningu Verðlaunasjóðs iðnaðarins fyrir frumkvöðlastarf á sviði iðnaðar vegna tilraunaræktunar á iðnaðarhampi og úrvinnslu vara úr honum.

Geislar Gautavík ehf.

Gautavík, Berufirði
766 Djúpavogi
Sími: 777 6190 (Pálmi)
Sími: 869 7411 (Oddný)

This email address is being protected from spambots. You need JavaScript enabled to view it.

Kt. 680212-1630
Reikn.nr. 0111-26-290212