- Sendum frítt um land allt -

SÖLUAÐILAR

Þú finnur teið í tehillunum þar sem annað te / heilsute er.

Brauðhúsið Grímsbæ

Fræið - Fjarðarkaup

Heilsuver - Suðurlandsbraut

Krónan Lindum, Granda, Skeifunni, Bíldshöfða, Mosfellsbæ, Flatahrauni, Selfossi, Akureyri,
Vestmannaeyjum, Reyðarfirði og Snjallverslun Krónunnar.

Matarbúðin Nándin - Hafnarfirði og Reykjanesbæ
Pakkaði teinu okkar í tepoka og selja tepakka með 10 pokum.

Melabúðin

Nettó Mjódd, Granda, Glerártorgi Akureyri, Egilsstöðum, Höfn og netverslun Nettó.

Taste of Iceland - Laugavegi 8

- - - -

Finola Hemp Tea
Cannabis Sativa

20g (u.þ.b. 30 tsk / bollar)
Notkunarleiðbeiningar eru framan á pakkningu.

Ræktað og pakkað í Gautavík, 766 Djúpavogi.

Á býlinu Gautavík fer fjölbreytt starfsemi fram, m.a. inni- og útiræktun á iðnaðarhampi frá 2019.

Við notum eingöngu frætegundina Finola í teið okkar sem eru af plöntutegundinni Cannabis Sativa.

Fræin eru á sáðvörulista Evrópusambandsins og vottuð til að innihalda 3-5% CBD en innan við 0,2% THC - sem er snefilmagn.

Við ræktunina voru engin eiturefni eða kemísk áburðarefni notuð, eingöngu húsdýraáburður og rigningarvatn.

Við handtínum blómin og laufin næst þeim af hampplöntunum, þurrkum þau í sérstökum þurrkgrindum og svo netapokum við ákveðið hita- og rakastig, handmölum og handpökkum í vandaða "ziplock" poka í vottuðu framleiðslurými.

Við þurrkunina rýrna þau um ríflega 90% í þyngd og þegar möluð verður grófa efnið eftir í sigtinu, þ.m.t. fræin sem sum blómin voru byrjuð að mynda í lok uppskerutímans því þau innihalda kannabínóða aðeins í snefilmagni og viljum við þau því ekki hafa þau með í teinu.

Teið er milt og gott á bragðið eitt og sér, en má bragðbæta, t.d. með hunangi. Þeir sem eru ekki fyrir te geta kælt það með ísmolum og bragðbætt með djúsþykkni.

Við mælum með að út í teið sé sett 1/2-1 tsk af olíu því hinir heilsusamlegu kannbínóðar (e: cannabinoids) á hampinum eru fituleysanlegir. Bragðlaus kókosolía og avocado-olía henta vel þar sem þær hafa lágmarks áhrif á bragðið. Ef kælt er betra að nota avocado olíu því hún harðnar ekki í kulda.

Teið má einnig nota sem kryddjurtir í matvæli sem eru hituð/steikt og innihalda olíu (nauðsynlegt til að virkja kannabínóðana). Bragðið er milt svo það hefur nánast engin áhrif á bragðið af mætvælunum.

Bendum áhugasömum á Facebook hópinn okkar:
Geislar Gautavík - opið býli - hampur, húsdýr, handverk/snarl, golf o.fl.